Ditën e sotme, i ftuar “Në shtëpinë tonë” ishte këngëtari Ardit Cuni. Përballë Julkës dhe Albanit, artisti foli gjatë rreth jetës së tij, karrierës dhe planeve të së ardhmes…por pak u ndal edhe te dicka e së shkuarës.
Të premten që lamë pas startoi sezoni i dytë i Dancing with the Stars. Kujtojmë që vitin e kaluar Arditi ishte pjesëmarrës, madje preku edhe finalen, por nuk ja doli të triumfonte. Ditën e sotme ai u duk se mbante akoma disa “pengje” rreth asaj eksperience. Ai u shpreh se kryetari i jurisë, Kledi Kadiu nuk i dha kurrë vlerësimin që meritonte. Madje sipas Arditit, nëse në vend të Kledit do të kishte qenë Ilir Shaqiri, ai do të kishte fituar atë kompeticion.
Më tej ai tregoi se nuk ruan asnjë marrëdhënie me koreografin e madje janë fshirë edhe nga rrjetet sociale.
Sa i përket karrierës në muzikë dhe planeve të së ardhmes, Arditi zbuloi se këtë vit do të jetë pjesëmarrës në Festivalin e Këngës.
