Arjan Tase, shefi i Seksioni të Policimit në Komunitet në Elbasan ka përplasjr për vdekje një fëmijë 7-vjeç në plazhin e Potamit ditën e sotme. Kjo ngjarje e rëndë ka tronditur mbarë vendin pasi ndodh në kulmin e sezonit turistik por edhe pas paralajmërimeve të shumta për rrezikun që moto-mjetet e ujit kanë në vendin tonë.
Fill pas ngjarjes së rëndë, Policia e Shtetit me në krye Gledis Nanon përjashtuan nga detyra Tasen si një mënyrë reagimi nga tragjedisë që ai shkaktoi. Shumë qytetarë kanë reaguar të indinjuar ndaj këtij vendimi të policisë dhe këtë e kanë shprehur me komente kudo në rrjetet sociale.
Faqja zyrtare e Policisë së Shtetit në Facebook duket e bezdisur nga këto komente pasi i ka fshirë pothuajse të gjitha. Në postimin ku lajmërohet përjashtimi i Tases nga radhët e policisë numërohen 120 komente, por kur hap seksionin e komenteve shfaqen vetëm disa prej tyre.
Mesa duket Policia e cila duhet të kishte marrë masa më parë, nuk po i përballon dot komentet dhe indinjatën e madhe që qytetarët kanë ndaj kësaj ngjarje pasi kanë vendosur t’i fshehin dhe fshinë komentet e tyre.
