Gjithmonë ka një rubrikë në emisionin “Live From Tirana”, e cila quhet “Social Top 5”. Një rubrikë që sjell vëmendjen tek personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në Instagram.
Por cilët janë personazhet e shtëpisë së “BBV” që kanë spikatur në Instagram apo në media këtë javë? Me disa ndryshime të vogla nga java e kaluar, këta janë të famshmit e huaj dhe ata shqiptarë që kanë fituar më shumë ndjekës gjatë kësaj jave…
- Që pas zënkës me Kiarën brenda në shtëpi, Efi Dhedhes ka marrë të gjithë mbështetjen e publikut, duke arritur të mbajë konstant numrin e ndjekësve të saj dhe kjo ka sjellë të mos grumbullojë asnjë këtë javë në platformën e saj personale.
- Qetsor Ferrunaj ka arritur të fitojë këtë javë 400 ndjekës në platformën e tij të Instagram-it.
- Shtëpia ka ndryshuar menjëherë dinamikat e saj që pas futjes së 4 ish-banorëve. Një ndër to ka qenë edhe Bled Mane, i cili nga 34.8 mijë ka shkuar në 35.2 mijë ndjekës.
- Kiara Tito këtë javë nga 646 mijë ai ka shkuar 647 mijë, duke fituar 1 mijë ndjekës, pas rënies së saj plot 30 mijë ndjekës javën e kaluar në Instagram. Kjo ka ardhur për shkak të zënkave që ka krijuar me rifutjen e saj në shtëpi dhe publiku nuk e ka pritur fare mirë këtë ndryshim të moderatores.
- Këngëtarja Keisi Medini nga 303 mijë ka shkuar në 306 mijë ndjekës duke grumbulluar 3 mijë ndjekës të rinj.
- Pas dominimit të situatave ku ajo ka qenë pjesë, Nita Latifi ka fituar 3500 ndjekës në Instagram këtë javë.
- Krist Dragoti ka arritur të grumbullojë 4 mijë e 900 ndjekës në llogarinë e tij personale në Instagram.
- Modelja Jori Delli ka arritur të marrë zemrat e publikut me sjelljen e saj dhe situatat humoristike që krijon brenda në shtëpi. Ajo ka fituar 5 mijë ndjekës në platformën e saj personale.
- Dea Mishel Hoxha njihet tashmë për aleancat dhe dinamikat që krijon në shtëpi. Banorja e futur që prej datës 24 dhjetor ka grumbulluar këtë javë plot 6 mijë ndjekës.
- Vendin e parë këtë javë e mban aktori Elvis Pupa, i cili është një personazh mjaft i dashur për të gjithë shikuesit. Elvisi ka arritur të fitojë 9 mijë ndjekës në Instagram.
