“Big Brother VIP Albania” padyshim është emisioni më i ndjekur jo vetëm në Shqipëri por edhe jashtë saj.
Nuk ka njeri që të paktën një herë mos të ketë dëgjuar për këtë reality show apo për banorët që janë pjesë e tij, shkruan Lokimagazine.com
Mirëpo, duke marrë parasysh shikueshmërinë e madhe që ky emision ka, është mëse e pritshme se do ketë mjaft aludime për vërtetësinë e lojës!
Madje, produksioni ka qenë në qendër të vëmendjes kohët e fundit pasi që pas largimit të Efi Dhedhes nga gara, në rrjet po aludohet se vendimin nuk e merr publiku por “Vëllai i madh”.
Aludimet e publikut u shtuan më shumë pasi Olta Gixhari, banore aktuale e reality showt, u shpreh se “Vëllai i madh” e ka gjithmonë një opsion për eleminimin e çdokujt, duke nxjerrë hapur lojën e tyre.
Mirëpo teksa rrjeti po zien, së fundmi është publikuar një tjetër video ku dëgjohet se brenda shtëpisë së “Big Brother VIP” transmetohet një informacion nga jashtë.
Në video dëgjohet të thuhet: “…është më e ndjekura dhe më e komentuara në rrjetet sociale”, por pa e treguar emrin.
