Emisioni shumë ndjekur i momentit në Kosovë është “Barber Shok”. Ai ka sjell më datën 1 maj dy episode njëherësh. Duke qenë se ranë dy festa në këtë kohë, moderatori Fis Juniku kishte menduar që për fansat e emisionit të sjellte dy intervista me dy të ftuar të ndryshëm.
I ftuar i parë ka qenë reperi i ri shumë i pëlqyer, Bardhi, gjersa në pjesën e dytë Gjesti. Ky i fundit, i njohur për tipin karizmatik, kishte shkuar në emision me shapka, njëlloj siç shfaqet në shumë prej klipeve të tij.
Gjesti u ngacmua nga moderatori me pyetjen se nëse kishin filluar t’i shkruajnë në Instagram femra të njohura nga estrada. Ai nuk ngurroi të përgjigjej dhe bëri “skup”.
Ai refuzoi të përgjigjej me emra, por kur Fisniku përmendi një “catwoman”, Gjesti menjëherë e kuptoi se bëhej fjalë për Beatrix Ramosajn, meqë në klipin e saj të fundit ajo u shfaq e tillë.
“Unë Beatrixën e kam shoqe në Instagram”, tha reperi me prejardhje nga Peja, duke mos dashur të komentojë më shumë, por sigurisht aludimet kanë nisur.
Gjesti përndryshe pati një rritje të ndjeshme në famë, pas publikimit të disa projekteve muzikore, kryesisht me karakter satirik që u pëlqyen menjëherë. /Telegrafi/
