Këngëtarja Beatrix Ramosaj ka qenë pa dyshim një prej personazheve më interesantë të shtëpisë së Big Brother VIP dhe për vetë situatat që ajo krijoi në reality shown shumë të ndjekur nga të gjithë.
Gjatë qëndrimit në shtëpinë e BBV, ajo krijoi një lidhje me aktorin Donald Veshaj, e cila qe jetëshkurtër, pasi u raportua se dyshja ndanë rrugët menjëherë pas përfundimit të aventurës së Big Brother VIP duke mos qëndruar me njëri-tjetrin.
Sido që të jetë, kujtimet brenda ambienteve të shtëpisë, duket se vazhdojnë të jenë në memorien e freskët të bukuroshes Ramosaj dhe nuk i ka harruar, madje i rikthen në vëmendje.
Së fundmi, ajo ka rishpërndarë në InstaStory një video e cila është publikuar në TikTok, ku shfaqet një prej momenteve të argëtimit të saj, duke kërcyer nën ritmet e këngës “TL”.
Duke mbajtur një cigare, Beratrix në atë kohë ishte në një nga momentet e saj më të mira të argëtimit, duke bërë që faqet satirike ta përshkruajnë videon me mbishkrimin: “Epo s’qenka gjë ky bari”.
