Në Prime-in e kaluar të “Big Brother VIP Albania”, opinionisti Arbër Hajdari dhe banorja e shtëpisë Olta Gixhari, u përfshinë në një debat me njëri tjetrin.
Debati nisi pasi Arbri e cilësoi aktoren si “zhurmuese”, fjalë e cila u morr si bullizim nga Olta.
Më pas, opinionisti po përpiqej t’ia sqaronte se të cilësohesh zhurmuese nuk është bullizim, por asgjë më shumë se dikush që përpiqet të flasi mbi të tjerët.
Olta nuk e la me kaq ku ia ktheu Arbrit se gjatë asaj mbrëmje, opinionisti gjithashtu ka qenë një “zhurmues”.
Mirëpo, akuzës së Oltës se fjala “zhurmues” është bullizim i ka reaguar dhe modelja e njohur, Beniada Nishani.
Siç është bërë e ditur në media tashmë se Beniada është në një lidhje me vëllain e Arbrit, Blertin, modelja nuk ngurroi ti vijë në “ndihmë” opinionistit dhe të ironizojë Olta Gixharin.
“Të kemi shumë kujdes se fjala “zhurmues” është bullizim, por “shkatërrim” është diçka shumë e bukur, është kompliment
Për Oltën më mirë “no comment”
Mendoj që shumica e banorëve janë të shtirur. Po kontrollojnë veten”, u shpreh Beniada.
