Deklarata e Zhaklin Lekatarit po vazhdon të nxisë reagime të ashpra nëpër rrjetet sociale.
Duke qenë një nga personazhet më të sulmuar nga shqiptarët si opinioniste e BBV, Zhaklina ndau një foto të flamurit serb dhe u shpreh se ndihet e sigurt aty ku nuk ka shqiptar.
Mirëpo përpos Nita Latifit, Vesa Lumës dhe Fjoralba Ponarit, edhe deputetja e Kosovës, Ganimete Musliu, ka bërë një reagim publik kundër opinionistes.
Ajo ka pyetur se çfarë problemi ka opinionistja me shqipet dhe është shprehur se ajo po mbjellë urrejtje ndaj do të korrë urrejtje, sepse me serbët ka të përbashkët gjuhën e urrejtjes ndaj shqipeve.
“Feministja” Zhaklina thotë se ndjehet e sigurtë në atdheun e dhunuesve të 20.000 grave e vajzave të kosovës dhe jo veç. Thotë se ndjehet e sigurtë atje sepse nuk ka shqipe!!!! Çfarë problemi ka me shqipet kjo grua? Urrejtje po mbjell, urrejtje do korrësh, prandaj ollage rri në beograd zhaklina sepse me ata ke të përbashkët gjuhën e urrejtjës ndaj shqipeve. Zot, shpëto shqipet nga feministet si Zhaklina”- ka shkruar deputetja.
Pas shkrimit të saj, ajo ka etiketuar edhe Nita Latifin e cila u përplasë me opinionisten.
