Edicioni i katërt i “Big Brother VIP Albania” ka nisur me shumë entuziazëm dhe plot surpriza për shikuesit. Spektakli ka hapur siparin mbrëmjen e sotme, duke sjellë për publikun banorët e parë të shtëpisë më të famshme në Shqipëri.
Egli Tako, aktorja e njohur, është banorja e parë që ka hyrë në shtëpi, e cila mbeti e mahnitur nga arredimi i ri i ambientit dhe menjëherë shfrytëzoi mundësinë të sigurojë krevatin, duke pritur me padurim banorët e tjerë që do të bashkohen pas saj.
G-Bani, artisti i njohur për performancat e tij, u prezantua si banori i dytë i shtëpisë, duke sjellë një performancë energjike me këngën virale së bashku me Anxhela Peristerin. Pas kësaj, ai u mirëprit si banor i ri nga moderatori Ledion Liço, duke theksuar se kjo është një mundësi për t’u njohur nga ana më e thellë.
Në vazhdim, Olsi Abazi ka hyrë si banori tjetër i Big Brother VIP 4. Ai u takua me Egli Tako teksa ajo qëndronte në oborr dhe u prezantua për publikun përmes një klipi ku zbulohet më shumë rreth personalitetit dhe pritshmërive të tij për këtë eksperiencë.
Ky edicion i ri i Big Brother VIP duket se ka filluar me shumë energji dhe mundësi të reja për dinamika dhe marrëdhënie interesante mes banorëve, të cilët pritet të sjellin momente të papritura dhe shumë emocionuese për shikuesit.
