Një nga banorët që mori mjaft vëmendje gjatë qëndrimit në BBV ishte edhe Bled Mane.
Gazetari u pëlqye shumë nga publiku, pasi nuk i pëlqente diskutimet pas shpine dhe se ishte mjaft i drejtpërdrejtë.
Mirëpo përplasjet nuk munguan as për Manen, i cili shpesh shihej të debatonte me Luiz Ejllin, për të cilin ka folur së fundmi në një intervistë për “Se luan Topi”.
“E meritonte fitoren. Ishte një dallaverexhi me 5 yje. Ishte programuar për t’a fituar atë, vetëm se i kam lënë një porosi. Luiz, erdhi koha jote mos e humb këtë shans. Në qoftë se herën e parë u ngrite dhe u zhduke e u rrëzove, kësaj radhe duhet të jesh mirënjohës, Top Channel, produksionit, publikut dhe mos e ul piacën, mos u kthe përsëri te veset. Trego karakter”, tha Bledi.
Gazetari u pyet dhe për Kiara Titon, partneren e Luizit.
Bledi Mane: Kur u futa (në BBV) thashë do rri sa më gjatë që ta festoj ditëlindjen këtu sepse nuk do kem shpenzime.
Erjona Rusi: Ti dole dhe hoqe dorë nga kjo dëshirë vetëm për Kiarën i bie!
Bledi Mane: Kur dola nuk e mendova gjatë që kisha dhe ditëlindjen sepse atje brenda është tjetër trysni dhe hesapet që bën jashtë, nuk qëndrojnë.
Erjona Rusi: Ta paska Kiara borxh një ditëlindje? Një festë për 50-vjetorin meqë nuk e festove dot brenda?
Bledi Mane: Flitet që njerëzit që kanë konsumuar shumë alkool, kanë probleme e memorien e shkurtër. Tani ky emri që më përmende është italisht dhe nuk më kujton ndonjë gjë.
Erjona Rusi: Nuk të kujton asnjë gjë ky emri?
Bledi Mane: Jo! Se di ndoshta kam pasur ndonjë gocë në fakultet, por për momentin nuk më kujtohet!
