Rikthimi i Marina Vjollcës sezonin e kaluar televiziv në Top Channel, u komentua shumë në rrjet.
Për një sezon ajo drejtoi programin “Për shqiptarët” krah Elvis Naçit, pas një viti të suksesshëm në tv Klan ku moderoi emisionin sportiv të mbrëmjes gjatë kampionatit europian.
Megjithatë duket se qëndrimi i saj në Top Channel nuk zgjati shumë. Në promon e re të emisionit, tashmë është bërë e ditur se moderatorja do të jetë Bora Zemani.
Vip Magazine ka mësuar se Marina po bën një pause nga ekrani, për t’u fokusuar më shumë në biznes, ku krahas biznesit të veshjeve, ajo lançoi vitin e kaluar edhe linjën e saj për produktet beauty.
Nuk dihet nëse kjo është tërheqje përfundimtare nga ekrani apo moderatoren do ta shohim sërish në një emision sportiv, ashtu si publiku është mësuar ta shohë për vite me radhë, fillimisht në Top Channel dhe pastaj edhe në ekranin e Tv Klan.
Rikthimi i saj në Top Channel bëri bujë, duke qenë se si ajo dhe Luana u larguan pas shumë vitesh pune në këtë ekran.
Ndonëse moderatore në një emision i cili ishte prodhim i jashtëm, Marina u pa edhe në kengen e fundvitit të Top Channel, si për të konfirmuar rikthimin si pjesë e kësaj familjeje mediatike.
