Kiara Tito është moderatorja e forumit “Dancing with The Stars Fan Club”, i cili do të transmetohet në ekranin e “Top Channel” çdo të diel, në orën 12:45. Moderatorja e njohur do të presë në studio konkurrentët pjesëmarrës, të eleminuar, familjarët e tyre, të afërmit dhe opinionistë të ndryshëm.
Ditën e djeshme ka qenë puntata e parë e këtij programi të shumëpërfolur, i cili është komentuar mjaft pozitivisht në rrjetet sociale.
Pas një interviste me Sara Hoxhën, fituesen e sezonit të parë të “DWTS”, ky emision zbuloi ekskluzivisht edhe incidentin e konkurrentit Saimir Korreshi, i cili i theu krahun duke vënë në pikëpyetje vazhdimin e tij.
Nga ana tjetër, në “Fun Club” është futur një sfidë e re, e cila ka të bëjë me regjistrimin e videove me kërcimin më të votuar të javës dhe ata persona që marrin më shumë pëlqime, do të mund ta ndjekin programin “live” nga studion e Top Channel.
Këtë sfidë e ka nisur fillimisht Kiara Tito, e cila në një video të publikuar në profilin e saj në Instagram ka treguar se si e ka “kapur” Luizin për të përfunduar këtë sfidë.
“E mora si të mirëqenë. Këtu është tango. Asnjë provë. Spontane”, shkruan Kiara në videon e publikuar, ku shihet duke kërcyer me Luizin në ambientet e shtëpisë.
Ajo gjithashtu ftoi të gjithë ndjekësit të dërgojnë videot e tyre të kërcimit duke etiketuar “DWTS”
