Spektakli më i madh i kërcimit, “Dancing With The Stars”, ka ardhur me risi këtë vit. Prej pak ditësh është bërë e ditur se çdo të diel ora 12:45 në ekranin e Top Channel do të nisë transmetimin “DWTS Fan Club” dhe do të moderohet nga Kiara Tito.
Kjo e fundit ka postuar pak minuta më parë një video, ku tregon se ndodhet në studion e programit dhe e shoqëron partneri i saj, Luiz Ejlli.
Moderatorja e njohur teksa po bën prezantimin e ‘të ftuarit të parë’, tregon gjithashtu se ka harruar të vendosë unazat, që publiku të mos nisë të aludojë se është ndarë nga Luizi.
Ndërkohë këngëtari i dashur për publikun teksa bën një shikim serioz, thotë duke qeshur “Kiara Tito i jep fund martesës”.
Pjesë nga biseda në videon e postuar nga Kiara:
Kiara: Ja dhe i ftuari i parë për sot. Mirë se erdhe, i nderuar dhe i respektuar zoti Luiz Ejlli.
Luizi: Të gjithë çiftet…
Kiara: Po ua them paraprakisht që kam harruar të vendos unazat, i harrova tek Elona
Luizi: Kiara Tito i jep fund martesës (qesh). Të gjithë çiftet kërcyen
Luizi: Ama, se si dhe si i vlerëson juria, se sa pikë morën, këto e të tjera…
Kiara: Na fol pak për anën teknike
Luizi: Çunat po merren me instalimet e kamerave, gjithçka
Kiara: Jo, jo, e kisha fjalën për Dancing
Luizi: Ku di unë, nuk kam lidhje
