Mbrëmja e djeshme në prime-in e “Big Brother VIP”, ndryshe nga herët e tjera, ishte i mbushur plot emocione dhe surpriza.
Përpos faktit se Kejvina Kthella u eleminua nga emisioni për shkak të dhunës fizike së ushtruar ndaj Luiz Ejllit, vëmendjen më të madhe e morri surpriza për Kiara Titon.
Me të hyrë ora 12 e natës, Kiara u surprizua me një këngë për ditëlindje nga Luizi.
Mirëpo, çfarë ndodhi pak orë pasi kamerat e prime-it ishin fikur?
Teksa të dy, Kiara dhe Luizi e kaluan mbrëmjen sëbashku duke festuar, një moment nuk i ka pëlqyer aspak moderatores.
Duket se afrimiteti i Kiarës për Luizin këto ditë ka bërë që ta çojë këngëtarin në “qiellin e shtatë”, aq sa u bë gati të ulej në gjunjë dhe ti propozonte për martesë.
Po po, Luizi ishte mëse i vendosur dhe gati të ulej në gjunjë por u ndalua menjëherë nga Kiara, e cila u shfaq mjaft e revoltuar me këngëtarin pasi sipas saj është shumë shpejt për diçka të tillë, duke ditur se ata ende nuk kanë shkëmbyer puthjen e parë e shumë hapa të tjerë.
Në video dëgjohet Kiara teksa i thotë: “Unazë? Jo jo, mos e bëj. Të kam thënë lëri gjërat të rrjedhin. Mos ja fut kot. Si mund ta mendosh atë gjë… unë që të kam bërë gjithë këtë rezistencë këto ditë, të të them ulu në gjunjë…dhe ti mendon se do të thoja po?”
Mendoni se është nxituar paksa Luizi me këtë tentativë propozim-martese për Kiarën?
