Dea Mishel pas daljes nga BBV, ditët e para jashtë programit ka vendosur t’i kalojë pranë familjes dhe “larg” intervistave apo daljeve në media.
Megjithatë pak më parë ajo pati një telefonatë me programin “Pardon My French”, teksa rrëfeu për ndjesitë e kësaj periudhe.
“Unë jam rrugës duke ikur në Kolonjë. Dje dolëm të bënim xhiro me makinë me Kristin, mund të kemi thënë dy fjalë gjithësej gjatë gjithë kohës.” – tha Dea, e cila u shpreh se hyri në “BBVIP” me një qëllim të qartë, që kishte të bënte edhe me imazhin e saj. Por a e arriti këtë qëllim?
“Po, kam marrë shumë komente pozitive nga njerëzit, qoftë nga familjarët e mi, nga njerëz që nuk i njoh edhe në rrjetet sociale kam parë figura të njohura që kanë dhënë mendimin e tyre për mua që ka qenë shumë pozitiv.”- tha Dea Mishel,
Në lidhje me informacionet që ka marrë deri më tani dhe çfarë i ka bërë më përshtypje, Dea tha:
“Tani unë këto ditë kam qëndruar shumë me familjen dhe me shoqërinë time. Nuk kam qëndruar shumë mbyllur po udhëtoj, po dal dhe nuk po rri shumë në telefon me thënë të drejtën dhe informacionet kam zgjedhur që ti marr nga njerëzit e duhur, që janë shokët e mi dhe më tregojnë vetëm meme dhe video për të qeshur.”
E ndërsa arriti të kishte një vend në finale, a ishte e kënaqur Dea me këtë rezultat, apo donte fitoren?
“Tani fitoren të gjithë e donim aty, sidomos kur arrin në finale fitoren e do. Por unë jam e kënaqur mbi të gjitha me pritjen që më ka bërë publiku dhe me vlerësimin që kam marrë, ndihem e plotësuar në maksimum dhe jam shumë e lumtur.”- rrëfeu ajo.
Ndërsa sa i përket kujtimit më të bukur që do të ruajë nga kjo eksperiencë ajo tha:
“Kujtimi më i bukur, skulptura, ndërsa nuk do të doja t’i kujtoja fare të këqijat.”
