Debate dhe pakënaqësi/ Romeo dhe Donaldi heqin dorë nga emisioni
“Big Brother VIP Albania” është shoqëruar gjatë gjithë këtyre muajve me bujë e spekulime. E nuk kishte si të ndodhte ndryshe as pas përfundimit të tij.
Sē fundmi, iconstyle raporton se pas finales së djeshme ku Donaldi doli i dyti, Romeo është përplasur me produksionin. Nëse shkojmë në Instagram-in e Romeos, do të shikojmë që ai ka fshirë nga profili i tij videon e emisionit që do të mbante me Donaldin, gjë që lë të kuptohet se mund të kenë hequr dorë nga projekti.
Bëhet fjalë për një emision në “Prime time” në “Top Channel” që do ta moderonin bashkë, i titulluar “Më Lër të Flas”. Ky emision iu dha atyre para pak javësh si surprizë nga produksioni.
Sakaq, u bë e ditur se binjakët së bashku me Beatrix kishin refuzuar të shkonin në afterparty me ish-banorët e tjerë dhe produksionin që u zhvillua në shtëpinë e “Big Brother”.
Deri tani nuk ka asnjë reagim nga Romeo e Donaldi. Mozzik ka publikuar sot një foto me ta dhe Elgitin teksa në mbrëmje do bëjnë një dalje publike në një club në Tiranë.
Theksojmë se e gjitha mbetet në kuadrin e zërave që qarkullojnë në mediat online dhe nuk dihet sa i vërtetë është ky lajm.
