Kësisoj, transkiptimi jo vetëm i elementeve bibliografike të faqes së titullit, por edhe i pikësimit origjinal në të, ka rezultuar, të themi, në shmangie të pikësimit dhe strukturës së ISBD(M) për faktin e thjeshtë se standardi i përshkrimit në bibliografitë retrospektive ISBD(A) tenton t’i ruajë fjalët dhe renditjen e tyre ashtu siç janë në faqen e titullit, përfshirë edhe pikësimin.
Me fjalë të tjera, shenjat e pikësimit në këtë bibliografi janë riprodhuar si në fletën e titullit, duke mos u zbatuar vendosja e tyre sipas rregullave të përshkrimit bibliografik për shkak se është ndjekur parimi i regjistrimit fotografik.
Për pasojë, drejtshkrimi dhe alfabeti po ashtu nuk janë mbajtur parasysh, shkronjat e vogla ose të mëdha dhe çdo element- informacion i fletës së titullit është paraqitur siç rezulton në të.
