Autorët e veprave anonime si edhe autorët që kanë përdorur pseudonime ose iniciale në kryetitull janë shënuar me emrin e tyre të vërtetë duke dhënë shpjegimet përkatëse dhe burimin e identifikimit në zonën e shënimeve të bibliografit.
Në disa raste, kur ka qenë e pamundur që inicialet dhe pseudonimet të “deshifrohen”, ato janë vendosur në kryetitull siç janë në libër.
Emrat e autorëve të huaj të veprave të përkthyera në kryetitull janë shkruar në formën origjinale të gjuhës së autorit, pavarësisht si janë dhënë në burimin e informacionit që përshkruhet.
Janë dhënë në alfabet latin për autorë nga vende ku përdoret alfabeti latin; për autorë që përdorin alfabete të tjera (cirilik, grek, turko-arab) emrat janë transliteruar sipas rregullave dhe standardeve ndërkombëtare.
