Kur këto elemente bibliografike kanë qenë të ndara pa përsëritur njëri-tjetrin në dy faqet përballë ose gjenden të shpërndara nëpër libër në faqe të ndryshme, fletë titulli janë konsideruar këto faqe së bashku (shih, p.sh., regjistrimin nr. 68 për Abetar shqip 1872 të K. Kristoforidhit).
Është ndjekur parimi i regjistrimit fotografik të të dhënave që gjenden në fletën e titullit; pra, përshkrimi bibliografik nuk është bërë në mënyrë të standardizuar dhe informacioni është riprodhuar në formë facsimile67.
Edhe pse në kryetitull, siç u tha, janë vendosur në formë të njësuar ashtu siç njihen më shumë, në këtë zonë emrat e autorëve janë shënuar në trajtën që është dhënë në materialin që përshkruhet (me emër dhe mbiemër, pseudonim, iniciale si dhe me fjalët që përcaktojnë rolin e tij në hartimin e veprës).
