Titujt e veprave në këtë zonë janë transkribuar ashtu siç gjenden në faqen e titullit. Përgjithësisht titujt e librave të vjetër janë shumë të gjatë dhe kompleksë68. Pavarësisht kësaj, edhe në raste njësish të tilla është vepruar sipas ISBD(A) dhe në përputhje me qëllimin e kësaj bibliografie për saktësi në dhënien e informacionit bibliografik.
Kur një element i tillë i rëndësishëm i përshkrimit bibliografik si titulli shfaqet në kopertinë në trajtë të ndryshme nga ajo e faqes së titullit ky fakt është pasqyruar në këtë zonë; po ashtu janë pasqyruar edhe titujt alternativë.
Falë teknologjisë së sotme kompjuterike, disa simbole apo shkronja të veçanta dhe origjinale të përdorura nga autorë të vjetër shqiptarë nuk janë transkribuar, por janë dhënë si në libër me qëllimin që përdoruesi i kësaj bibliografie të njoftohet për to.
