Në pjesën e dytë shtjellohen opsionet politike që janë menduar si zgjidhje të sfidave në punësimin e të rinjve. Pjesa e fundit trajton aspekte të punës për zbatimin e planit të aksionit.
Së fundi, shtojcat përmbajnë matricën, planin e punës, si dhe një paketë projektesh të cilat janë në funksion të zbatimit të Planit të Aksionit.
Gjatë viteve të fundit, politika i ka kushtuar një vëmendje në rritje punësimit të të rinjve në Shqipëri, ku vështirësitë me të cilat përballen të rinjtë për të hyrë dhe qëndruar në tregun e punës bëhen edhe më komplekse prej një numri të madh moshatarësh të tyre që punojnë në kushtet e një ekonomie informale.
