Librat me një deri në tre autorë janë përshkruar sipas kritereve të përshkrimit të librave me autorë. Librat me mbi tre autorë dhe vetëm me titull janë përshkruar sipas kritereve të përshkrimit të librave me titull.
Në raste të veçanta, kur librave u mungojnë kopertina dhe fleta e titullit, titulli është formuluar nga të dhënat e tekstit.
Autorët shqiptarë, para përshkrimit të titullit, janë regjistruar ashtu siç njihen sot, duke evidentuar në zonën e autorit formën e shkruar në libër.
Kur autorët shkruajnë me pseudonime apo iniciale, që njihen, libri është përshkruar me të dhënat e plota të autorit dhe në zonën e autorit është dhënë pseudonimi apo iniciali.
I njëjti kriter është ndjekur edhe për autorët e parathënieve, përmbledhësit, hartuesit, përkthyesit. Në rastet kur pseudonimet apo inicialet janë të pazgjidhura, ato pasqyrohen ashtu siç janë gjetur, pra autorët me inicialet apo pseudonimet e tyre.
View this post on Instagram
