Puna gjithë pasion dhe përgjegjësi e brezave të tërë drejtuesish dhe specialistësh të BKSh, por edhe e disa prej personaliteteve të kulturës shqiptare, më i spikaturi mes tyre Mithat Frashëri, ka mundësuar që përmes dorëzimit të detyruar të ekzemplarëve, blerjeve dhe dhuratave të arrihej kjo plotësi relativisht e kënaqshme e librit shqip në koleksionet e institucionit tonë kombëtar të librit.
Kjo bibliografi, përveç se nuk mëton se përmbledh gjithçka, nuk mëton as se paraqet një punë të kompletuar dhe të perfeksionuar.
Krahas limiteve të caktuara të pasurisë librore të kësaj periudhe, mund të ketë edhe limite që lidhen me një traditë jo fort të konsoliduar të kulturës dhe shkencës bibliografike në vendin tonë, madje mbase edhe limite të vetë punës sime. Por vlera e kësaj bibliografie nuk qëndron thjesht në sasinë e titujve që ofron.
View this post on Instagram
