Ish-kryeministri i Kosovës, Ramush Haradinaj dhe partnerja e tij Anita, janë një ndër çiftet më të njohur e të komentuar në media e rrjete sociale.
Tepër aktive në Instagram, bashkëshortja e ish-kryeministrit nuk na i kursen herë pas here pozat e tyre të ëmbla , si kjo e fundit që na ka zbukuruar mbrëmjen.
Anita ka ndarë në InstaStory një foto me Haradinajn, ku shfaqen të përqafuar e duke shkëmbyer një puthje në buzë në mes të rrugës.
“Dikur kur kemi qenë të rinj.”- shkruan ajo teksa etiketon partnerin, ndërkohë që i mbyll gojën edhe njëherë thashethemeve për dhunë të ushtruar nga Ramush Haradinaj.
“Mua Ramushi ka 17 vjet që më rreh me dashuri. Nuk e di çfarë të them tjetër. Ky ka qenë një thashetheme shumë i ulët. Unë kam bërë një reagim në Facebook. Nuk e komentoi dhe as nuk dua ta komentoj sepse e ul nivelin tim dhe unë nuk dua të bie në nivel të asaj çfarë jam. Pavarësisht se e mbajnë veten për gazetarë nëpër media me histori kanë dëshmuar se për dy klikime më shumë kanë shitur gjithçka, edhe integritetin e vet. Kështu që unë nuk dua të bie në atë nivel dhe nuk do e komentoj më shumë se kaq. Veçse kaq, unë kam një burrë shumë të mirë dhe është shumë burrë shtetas dhe një baba i dashur ”, ka treguar më herët Anita.
