Përpos karrierës profesionale, Marina Vjollca prej disa kohësh tashmë është bërë edhe nënë.
Dhe si e tillë ajo ka vendosur të gatuaj në shtëpi. Por, gjërat nuk kanë shkuar me sukses. Teksa po përpiqej të bënte pica për darkë, Marina ka “dështuar” për mrekulli. Moderatorja ka postuar në Instagram një video kur tregon gatimin e saj, dhe nga reagimi i saj edhe ajo vetë e pranon se kjo nuk është zona e saj e rehatisë.
“Po bëja pica për darkë për herë të parë dhe shihni si më ka dalë pica,”- dëgjohet të thotë Marina në video.
Sakaq ju kujtojmë që moderatorja Marina Vjollca dhe reperi Geatoar Selimi u bënë prindër për herë të parë vitin e kaluar, duke mirëpritur në jetë vajzën e tyre Marget. Megjithëse çifti janë shumë hermetikë sa i përket vajzës së tyre, Marina disa kohë më parë ka rrëfyer se ka në plan të bëjë një fëmijë tjetër pas Marget.
