Një ngjarje e rëndë mësohet se ka ndodhur në Itali. Një fëmijë 2-vjeç nga Shqipëria është në gjendje të rëndë pasi u rrëzua nga kati i katërt i banesës në Itali, bëjnë me dije mediat fqinje.
I vogli ndodhej në shtëpi me gjyshin, ndërsa të dy prindërit shqiptarë ishin në punë. Fqinjët dolën menjëherë jashtë pasi dëgjuan zhurmë, dhe panë trupin e fëmijës së vogël pa shenja jete.
Menjëherë zbriti edhe gjyshi duke bërë thirrje për ndihmë. Fëmija u transportua në spitalin e Monza-s në Itali dhe ndodhet në reanimacion në gjendje kritike.
Një moment shpërqendrimi mjaftoi që foshnja të rrëzohej nga rreth 15 metra lartësi.
