Melisa Lleshi është nga konkurrentet e pakta të “Përputhen” që edhe kaq kohë pas daljes nga programi po vazhdon të jetë pjesë e skenës dhe ekranit.
Teksa jemi në fund të këtij viti, ish-konkurrentja e cila u fut në finalen e “Dance Albania” foli për 2022-shin duke e cilësuar vit të tmerrshëm.
Ajo zbuloi se ishte në gjendje të rëndë emocionale ndërsa me fjalët që tha të gjithëve na shkoi mendja te Andi.
“Kur rri, rri e mendoj jemi në gjysmëfinale. E kujtoj ditën që mora telefonatën që do jem pjesë e Dance-it erdhi në një moment shumë deciziv të jetës sime. Isha në gjendje shumë të rëndë emocionalisht, tepër. 2022-shi për mua ka qenë një vit i tmerrshëm”, tha ajo
“Kam parë një video një ditë që thoshte se janë 5 persona që të shkatërrojnë jetën. Janë ata që të përdorin, ata që ankohen gjatë gjithë kohës, ata që të fajësojnë, ata që konkurrojnë gjithmonë me ty pa qenë nevoja dhe ata që abuzojnë me ty në çfarë do lloj mënyre. Dhe fatkeqësisht dhe fatmirësisht unë kam gjetur 5 persona të ndryshëm me 5 veti dhe një person të vetëm me të pesta vetitë. Fillova të shkruaja shumë dhe sërish zgjohesha në mëngjes dhe thoja më duhet diçka, duhet të dal nga kjo gjëja. Dance më ka ndihmuar shumë, qoftë edhe tek pjesa e aktivitetit fizik, qoftë edhe e të dalurit nga monotonia.” -vijoi më tej Melisa.
