Debati mes Eglit dhe Gjestit ka vazhduar në shtëpinë e Big Brother VIP Albania, pasi Egli kërkon sqarime për tekstin e këngës që Gjesti po shkruan.
Duke qenë se dyshja kanë pasur një afrimitet të madh, Egli e pyeti drejtpërdrejt për kujtdo i është dedikuar kënga dhe e akuzoi se po gënjen.
Një nga pikat që ngriti Egli ishte përdorimi i shprehjes “Çupëza ime”, një fjalë që sipas saj është shumë specifike dhe ka një domethënie të veçantë. Ajo kërkoi të dinte për kë e kishte shkruar.
Gjesti u mundua ta shpjegojë: “Sa herë e thoshte dikush këtë fjalë, më bënte të ndihem mirë dhe më jepte emocione”.
Por, Egli nuk u bind dhe e vijoi presionin: “Ajo ta thoshte ty ‘çupëza ime’?”
Gjesti pranoi se kjo shprehje kishte krijuar një energji të mirë mes tij dhe dikujt. Kur Egli e pyeti për fjalën “Kuptomë”, Gjesti tha se ishte një fjalë që dikush e përdorte shpesh dhe i dukej interesante.
Egli e akuzoi hapur:”Ti luan shumë fort, por nuk më meriton dhe nuk do të më kesh kurrë! Unë jam ndier shumë keq nga ajo që ke bërë”.
Gjesti reagoi duke i thënë: “Ti je bërë keq nga mendimet e tua, po hiqmu, pashë Zotit”.
Pavarësisht tensioneve, Egli u shpreh e vendosur: “Unë nuk shkel veten për askënd”.
Debati mes tyre vazhdon të krijojë tension në shtëpi, ndërsa fansat ndjekin nga afër çdo zhvillim mes dyshes.
