Mbrëmjen e kaluar, Beatrix Ramosaj ka publikuar këngën e saj më të re. “Ma shumë se ti” titullohet kënga dhe vjen në bashkëpunim me Dj Geek.
Kjo këngë është dedikim për ish-të dashurin e saj, Donald Veshaj, me të cilin u njoh gjatë qëndrimit në shtëpinë më të famshme në Shqiptari, Big Brother VIP.
Por një detaj në këtë klip po konsiderohet si kopjim i këngëtares nga Nora Istrefi. Kështu po shkruajnë njerëzit në rrjetet sociale, kryesisht Instagram.
Si Nora, ashtu edhe Beatrix, kanë dalë në një ambient të njëjtë më një qen. Edhe poza ka qenë thuajse identike, cka ka bërë që fansat e Norës të hidhen me disa komente ironizuese.
Kënga e Beatrix është pëlqyer shumë nga publiku dhe vetëm 21 orë pas publikimit deri tani ka marrë afro 500 mijë klikime.
Gjërat po i ecin mirë Beatrix Ramosajt, por edhe Donaldit, i cili duket se është kthyer me Bora Zemanin. Sot ata kanë biseduar me njëri-tjetrin në kafenenë e Top Channel.
