Gjesti, ish-konkurrenti i Big Brother VIP Kosova, hyri në shtëpinë e Big Brother VIP Albania vetëm 24 orë pasi u eliminua nga gara e parë. Që nga ai moment, ai ka tërhequr vëmendjen e publikut dhe ka fituar popullaritet të madh, duke krijuar një bazë të fortë mbështetësish.
Momente të ndryshme nga qëndrimi i tij në shtëpi janë bërë virale në rrjetet sociale, por një episod i veçantë ka kaluar kufijtë dhe është kthyer në një fenomen ndërkombëtar.
Bëhet fjalë për momentin kur Gjesti i prish gjumin Laertit, duke e provokuar atë pa pritur reagimin që do të vinte më pas.
Laerti, i nervozuar, i afrohet Gjestit me një qëndrim të heshtur e të ftohtë për disa sekonda. Pa thënë asnjë fjalë fillimisht, ai më pas i drejtohet me fjalët epike: “7 mallkimet e Zotit do të bien mbi ty.”
Ky moment ka shkaktuar reagime të shumta në rrjet, por ajo që ka befasuar më shumë është shpërndarja e tij në mediat e huaja. Klipi është përkthyer dhe komentuar nga shumë faqe të njohura, duke e kthyer në një meme globale.
Ndërkohë, brenda shtëpisë, Gjesti vazhdon të jetë një nga lojtarët më të përfolur.
