“Sofia”, filmi i Eduart Grishajt do të debutojë për pak ditë në kinematë shqiptare e jo vetëm dhe sigurisht kjo është një periudhë emocionuese , por edhe shumë e zënë për regjizorin e njohur, teksa e kemi parë në intervista të ndryshme duke promovuar projektin kinematografik.
Sigurisht mbështetësja e tij më e madhe është Arbana Osmani, partnerja e tij, e cila përveç gjithë informacioneve që ndan për filmin në rrjetet e saj sociale, duket se është edhe “tifozja” e tij më e madhe, madje mund të jetë më e emocionuar de vetë regjizori për filmin.
E megithatë, moderatorja e ka një “ankesë” të vogël për partnerin që e zbuluam sot pas një postimi të saj në InstaStory.
Bashkangjitur një fotoje ku Arbana shfaqet me të voglën e saj, Zoin, teksa ndjekin Eduartin në ekran në një intervistë, shkruan:
“Duke parë babin që më shumë e shohim në TV këto ditë se sa në shtëpi”.
Pra le të themi që Eduarti nuk ka kaluar shumë kohë në shtëpi këto ditë dhe Arbana e kupton, por kjo s’do të thotë që nuk do t’ja përmendi.
