Edhe pak minuta na ndajnë që të zbresë në ring Florian Marku, shqiptari do të mbrojë brezin e Ndërkontinental IBF për peshën velter sot ndaj britanikut Cris Jankins.
Një duel shumë i rëndësishëm i boksierit shqiptar i cili kërkon që të vazhdojë i pamposhtur në rrugën e tij drejt titujve më të rëndësishëm.
Pak minuta para sfidës, janë postuar në rrjetet sociale edhe video të momenteve të përgatitjes së tij. Boksieri shqiptar shihet teksa po i lidhin duart për këtë duel shumë të rëndësishëm ku gjithçka duhet të jetë në perfeksion.
Ndërkohë, në sfond dëgjohet edhe muzikë shqiptare, që nuk mund të mungojë kurrsesi në sfidat e tij dhe shpesh e shoqëron në ring.
Por në dhomat e zhveshjes, në sfond ishte një nga këngët pak më të qeta të Butrint Imerit, nën tingujt e të cilës ai po kryente përgatitjen për duelin.
Zakonisht, Marku dëgjon këngët e Noizy-t, por këtë herë ka vendosur të ndryshojë disi rrymë. Ndeshja pritet të fillojë në orën 22:30.
