Laureta Kuleta nga Komuna e Obiliqit e cila tash e gjashtë ditë rezultonte e humbur është gjetur në gjendje të mirë shëndetësore, pasditen e së hënës.
Kuleta pas gjetjes është dërguar për në stacionin policor, për kompletim procedural të rastit.
Lajmin për Telegrafin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 16:00 është gjetur (gjendjen shëndetësore e ka të mirë) vajza e zhdukur ditë më parë në Obiliq. E njëjta aktualisht ndodhet në stacion policor deri në kompletimin procedural të rastit”, tha Ahmeti.
Babai i 19-vjeçares, Ibrahim Kuleta kishte deklaruar gjatë të hënës paradite për Telegrafin se vajza e tij ka dal nga shtëpia më datën 3 nëntor.
“Ka dal nga shtëpia rreth orës 20:00 dhe më nuk kemi pasur asnjë kontakt me të, rastin e kemi lajmëruar edhe në Policinë e Kosovës”, tha ai. /Telegrafi/
