Një ngjarje e rëndë u shënua ditën e sotme rreth orës 14:00 në plazhin e Potamit, ku një efektiv policie i cili drejtonte një skaf i mori jetën tragjikisht një fëmije të mitur.
Bëhet me dije se e mitura me inicialet J.A u përplas fillimisht nga pjesa ballore e skafit dhe më pas trupi i saj u pre nga helikat duke bërë që të ndërronte jetë në vend.
Fëmija i mitur u përplas teksa po luante në breg, para syve të prindërve. Autori i ngjarjes së rëndë Arjan Tase, ka deklaruar në polici se “skafi ka patur një problem teknik”.
Mësohet se Tase është shef i policimit në komunitet në Elbasan dhe pas ngjarjes u shkarkua nga detyra nga Drejtori i Policisë së Shtetit Gledis Nano.
