Dafina Zeqiri dhe Mozzik kanë sjellë një bashkëpunim të ri, një këngë që në fakt mban dy këngë brenda, Drama/Pahiri, projekt ky që deri më tani duket se është pëlqyer nga fansat e artistëve, ndërsa nëse i bëni më shumë se 1 dëgjim dhe analizoni pak tekstet respektive, mund të gjeni mjaft “thumba” të tyre ndaj ish-partnerëve.
Para se të kalojmë aty, një parantezë për ju që nuk e dini, përgjatë verës Dafina Zeqiri dhe Dj Geek i dhanë fund lidhjes së tyre, për arsye ende të paqarta, ndërsa këngëtarja duket se ka nisur një histori të re, ndërsa Loredana, ish-partnerja e Mozzik, ka nisur një romancë me futbollistin gjerman Karim Adeyemi, ndërsa reperi ka qenë i përfshirë jo pak herë në “dramat” e rrjeteve sociale sa i takojnë ish-lidhjes. Duhet thënë po ashtu që është aluduar në media se Geek tashmë ka nisur të punojë me Loredanën, pas shkëputjes nga Dafina, gjë që i shton bashkëpunimit të ri mes Dafinës dhe Mozzik akoma më shumë “efekte dramatike”. Sa i takon Mozzik meqë ra fjala, nuk dihet ende nëse është single apo i lidhur..
Okay, tani kalojmë tek kënga që sic thamë është e ndarë në dy pjesë. Në pjesën e parë, “Drama”, refreni është i dedikuar dikujt që është i/e ftohtë dhe që ka merituar gjithë lotët që Dafina dhe Mozzik kanë derdhur (edhe lotët tona që kemi derdhur gjatë gjithë verës brutale që Dafina na dhuroi me këngët e saj emocinale), ndërsa artistët marrin vetë përsipët fajin për lidhjet/ndarjet që kanë ndodhur. Ndërkohë në një moment, Zeqiri thotë se “ka gjetur dikë më të mirë, madje edhe më të shkathët (jo fjala origjinale, po atë s’e përdorim dot), duke konfirmuar kështu edhe njëherë historinë e re, por duke hedhur edhe një kunjë në drejtim të ish-it.
Gjithsesi, nuk ka shumë “drama” tek Drama se sa tek Pahiri, pjesa e dytë e bashkëpunimit, aty ku “thumbat” janë edhe më të dukshme. Në një moment Mozzik thotë: “Ex-at tonë janë rrit me me këngët tona, madje në shtëpitë e tyre kanë bërë edhe miliona”, duke treguar kështu se Geek dhe Loredana kanë qenë fansa të tyre para se të mund të hynin në jetët respektive, ndërsa kanë mundur edhe të bëjnë shumë para, si nga lidhja me ta, ashtu edhe nga bashkëpunimet.
Po ashtu, në një thirrje që nuk dihet i drejtohet Loredanës apo Geek, thuhet: “Edhe nëna jote, e don Dafina Zeqirin”, megjithëse nuk do ishte aspak cudi po t’i drejtohej të dyve. Ka edhe një tjetër pjesë, kur Duffy i bën një përmendje sërish partnerit të ri, duke treguar se ai është biznesmen, si për të konfirmuar edhe aludimet e shumta që janë bërë për identitein e tij, por edhe për ta theksuar edhe njëherë se është me dikë “më të mirë dhe më të shkathët”.
Nëse i bëni edhe ju një analizë këngëve, jemi të sigurtë se do mund të gjeni edhe “thumba” të tjerë, kështu që jepini:
