Odisela Balla, aktorja e njohur e Portokallisë, ka qenë një ndër të ftuarat speciale programit “S’e Luan Top”.
Odisela ka folur për pasionin e saj për aktrimin si edhe për vendosmërinë e saj për të vazhduar, pavarësisht refuzimeve të shumta.
Ajo ka bërë për vete të gjithë publikun shqiptar me imitimin e Ori Nebijaj, opinionisten e BBV.
Në lidhje me interpretimin e këtij roli, aktorja ka rrëfyer se Ori e ka telefonuar, duke e komplimentuar për imitimin e saj.
“Që në puntatën e parë të Portokallisë, Ori po më kërkonte pasi shumë njerëz nuk e dinë se kush jam unë. Më shkruajti dhe është shumë pozitive. Madje më tha që të ndihem e lirë për ta trajtuar personazhin ashtu sic duhet. Për më tëpër më tha që mami i saj i kishte thënë që e bëj fiks”.
