Donald Veshaj është tashmë një nga personazhet më të komentuar të momentit. Çdo lëvizje e tij kthehet menjëherë në lajm. Cdo status dhe reagim i tij në rrjetet socialë përfundon direkt në portale dhe mediat rozë.
Së fundmi, aktori ka shtuar në trupin e tij një tatuazh të ri, i cili i dedikohet pikërisht binjakut të tij, Romeos, i cili e ka mbështetur pa fund sidomos kur ishte në BBV.
Ka qenë Donaldi që ka ndarë në Instastory një foto, ku shihet se në bark ka gdhendur figurën e një demi. Është pikërisht ky epiteti me të cilin Romeo e thërret atë dhe e ka quajtur të tillë gjatë gjithë eksperiencës në “Big Brother VIP”, “Demi i vëllait”.
Kujtojmë që dy vëllezërit aktualisht i janë përkushtuar muzikës. Ata së bashku me këngëtarin, Elgit Doda po korrin sukses me koncerte të shumta kudo.
Përvec muzikës, ndjekësit e tyre presin t’i shohin së shpejti edhe në ekran, pasi janë në pritje të emisionit të tyre në Top Channel, “Më lër të flas”.
Ende nuk dihet cfarë kanë vendosur të bëjnë dy vëllezërit me këtë program nëse do e realizojnë apo thjesht mbeti një promo dhe kaq, pasi u përfol për mosmarrëveshje me drejtuesit e TCH.
