Pas daljes nga “Big Brother VIP”, Ardit Çuni nuk hezitoi që të komentonte banorët e tjerë që ishin ende brenda shtëpisë më të famshme në Shqipëri mes tyre ishte edhe aktori i humorit, Donald Veshaj, i cili në një farë mënyre “eliminoi” atë nga gara.
Këngëtari i njohur u eliminua pasi Fifi e çoi në nominim vetëm me Donaldin, i cili asokohe numëronte shumë fansa pas takimit me Bora Zemanin.
Pasi doli nga shtëpia e BBVIP, Arditi komentonte shpesh nga studio të ndryshme, lojën e banorëve, nëpër intervista ai thumboii aktorin dhe këngëtaren, duke thënë se mes tyre “kishte një garë të fortë hipokrizie”.
Por si është sot raporti i Ardit Çunit me Donald Veshajn? Duket se këtë kuriozitet e kanë shumë fansat të këngëtarit, pasi gjatë një bisede virtuale e kanë pyetur.
“Flet me Donaldin? Se me Borën e dimë që po”, i shkruan dikush, të cilit Çuni i përgjigjet:
“Pse kur nuk kam folur?”, shoqëruar me disa emoji të qeshurash.
