Erik Lloshi foli hapur për hatërmbetjet me Ylli Limanin dhe Fifin.
I ftuar në “Më prit në fundjavë” me moderatorin Ermal Peçi, këngëtari u shpreh i zhgënjyer nga Fifi dhe Ylli për faktin që nuk e kishin mbështetur (përmes një postimi në Instagram) me projektin e fundit muzikor.
“Loja nëpërmjet artistëve është ndryshe. Unë personalisht ua kam çuar vetë këngën, sepse e di që janë shumë të ngarkuar, siç ma çojnë dhe mua këngën. Kështu është loja jonë, për suport minimal. E di ku është e keqja? Kur ta lënë mesazhin ‘seen’ [kur e lexon mesazhin, por nuk kthen përgjigje] dhe të shpërfillin. Dhe kush të shpërfill? Të shpërfillin ata persona që ti u ke dhënë dorën kur kanë qenë në hapat e tyre të parë,” tha ai.
Më pas shtoi: “Është Fifi, Ylli Limani dhe Luiz Ejlli, artistë që unë gjithmonë i kam mbështetur. Luizi s’e ka parë mesazhin, kurse këta të dy e kanë lënë ‘seen’.”
“Ata kanë menduar se Eriku si hyn më në punë, sepse momentalisht unë atyre s’u hyj në punë, por një ditë do t’ju hyj në punë,” tha Lloshi në vijim duke theksuar se “bota rrotullohet”.
