Opinionistja e njohur, Dalina Buzi ka komentuar së fundmi situatën e Luiz Ejllit në “Big Brother VIP”.
Jo vetëm kaq por opinionistja u ndal dhe te loja “boring dhe dramatike” siç e cilëson ajo te banorët e tjerë, gjithashtu dhe qëndrimin e Kiarës ndaj Luizit.
Si fillim, Dalina renditi disa arsye se pse Luizi nuk duhet të eleminohet mbrëmjen e nesërme në Prime dhe të vazhdojë garën më tej.
Ajo shtoi se këngëtari është një lojtar mjaft i fortë në shtëpi, e luan mirë lojën, nuk krijon debate të kota dhe sigurisht ka mjaft humor, gjë që u vu re që në ditët e tij të para në BBV.
Në lidhje me sëmundjen e Luizit, Dalina u shpreh se në pjesën e parë të Prime-it u menaxhua mirë nga Arbana dhe produksioni, ndërsa nuk ishte dakord me dërgimin e Luizit në spital dhe “analizat” disa-minutëshe që bëri.
Ndërsa, përsa i përket Kiarës, për të cilën e ka shprehur hapur pëlqimin që ka, opinionistja shtoi se ndjenjat e këngëtarit janë aq të vërteta sa të një gaforreje që eshtë në horoskop, por është kundër ekzagjerimit të Kiarës në reagimin e saj.
Sipas Dalinës, Luizi duhet të qëndrojë në shtëpi që tani ta shikojmë të luajë i vetëm.
Ajo nuk la pa komentuar banorët e tjerë si Amosin, për të cilin tha se flet me Oltën dhe e “fryn” për të thënë gjërat që nuk i thotë dot.
Dalina shtoi se Armaldo “e mban mirë me të gjithë”, ndërsa Kristi bëhet “boring.”
Duke e përmbledhur të gjithën, Dalina tha se Luizi duhet të qëndrojë me patjetër në shtëpinë e “Big Beother VIP Albania”, në të kundërt i gjithë lezeti i spektaklit do të humbte dhe banorët e tjerë do të ishin si “avion pa bisht” pa të.
