Një ngjarje e pazakontë ndodhi pasditen e sotme në rrugën “Islam Alla” në Tiranë, ku vëllai i mori jetën vëllait dhe kunatës për punë prone.
Autori është Arsen Muskurti, i cili njihet dhe me emrat Hamza Kastrati, ndërsa viktimat janë Dritan Muskurti dhe Nora Muskurti.
Burime bëjnë me dije se viktimat ishin prindër të tre fëmijëve. ata humbën jetën brenda agjensisë së tyre në një zonë mjaft të banaur në kryeqytet.
“Më datë 30.08.2022, në rrugën “Islam Alla”, dyshohet se si pasojë e një konflikti familjar, shtetasi A. M., dyshohet se i ka marrë jetën shtetasit D. M., 44 vjeç, dhe një shtetaseje tjetër, ende të paidentifikuar, (dyshohet bashkëshortja e shtetasit D. M.) të cilët si pasojë kanë ndërruar jetë.
Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.
Grupi hetimor nën drejtimim e Prokurorisë po punon për sqarimin e plotë të rrethanave të ngjarjes”, thuhet në njoftimin për shtyp të policisë.
