Big Brother është ndër formatet më të pëlqyera në vendin tonë. Personazhet pjesëmarrëse kanë fituar simpatinë dhe vëmendjen e publikut, duke i mbërthyer para ekranit me orë dhe ditë të tëra.
“Prime” i kaluar ishte një flakë e vërtetë, teksa nuk mungoi në studio edhe Ermiona, ish banorja. E habitshme është veprimi i produksionit, kur Ermiona fliste, banorët kishin shansin ta dëgjonin.
Në momentin kur Ermiona po kritikonte Kiarën dhe Efin, ku tha se ato iu bashkuan formatit vetëm për të fituar famë nga Luizi, regjia e hapi audion edhe për banorët në shtëpi, pa dijeninë e saj. Komentet e saj u dëgjuan dhe nga banorët, duke shkaktuar një situatë mjaft të sikletshme në studio.
Këtë lëvizje nuk e ka humbur Luizi, i cili përmendi pikërisht veprimin e regjisë për të hapur fshehurazi komentet e Ermionës. “Pse u hap ajo lloj audio, pse u lejua”, dëgjohet të thotë Luizi.
