Donald Veshaj padyshim do të mbahet mend gjatë nga publiku pas aventurës së tij në sezonin e kaluar të “Big Brother VIP”.
Aktori arriti të fitojë një dashuri të madhe nga publiku, pasi luajti një lojë mjaft të bukur, të mbushur me debate, batuta si dhe krijoi lidhje brenda shtëpisë.
Përpos kësaj, Donaldi theu mjaft rekorde shikueshmërie dhe klikimesh në rrjet, rekorde të cilat zgjatën më shumë se një vit, por që po thyhen dita ditës nga banori aktual i BBV, Luiz Ejlli.
Këngëtari si fillim theu rekordin e mbajtur nga Donaldi, si personazhi më i kërkuar shqiptar në Motorin e Kërkimit Google.
Luizit iu deshën vetëm 24 ditë për ta thyer këtë rekord.
Luizi gjithashtu arriti të fitojë plot 400 mijë followers brenda një muaji.
Mirëpo pak më parë, këngëtari ka thyer dhe rekordin e fundit të mbajtur nga Donaldi si banori me më shumë shikime në TikTok.
Aktori numëron më shumë se 1.3 bilion shikime, ndërsa Luizi ka arritur në plot 1.5 bilion shikime.
Pavarësisht krahasimeve, Donaldi dhe Luizi kanë lënë një impakt mjaft të madh në rrjet dhe që do vazhdojnë të mbahen mend gjatë! /Lokimagazine.com
