Eurovision-i vijon të sjellë debate. Kësaj here ata që janë përplasur ishin Robert Aliaj dhe Ardit Çuni në “Open”.
Ndërsa diskutonin paraqitjen e Ronela Hajatit, Aliaj e konsideroi tallava, gjë që jo vetëm u kundërshtua nga këngtari, por i tha se fik televizorin sa herë ai del.
Aliaj: Pse jo tallava? Është sikur të krahasosh tallavanë që në vetvete është zhanër rrugësh. Muzika ka nivelet e veta si letërsia, si çdo fenomen social dhe politik, me klasa sociale. Është klasa më e ulët sociale. Në zhanerin e muzikës është ajo më ordinere. Nuk kap asnjë vlerë, por merr vlerë kur je i pamend ose i pa edukuar. Ndaj po çuditem, si djemtë dhe vajza të reja të kenë kaq pak formim që t’i duket tallavaja e drejtë.
Çuni: Kam aq nivel sa të mbyll televizionin kur del në TV, dhe të ndaloj familjarët të të shohin.
Aliaj: Po mbylle mër ti, mor trap. Po bën debat të ulët
Çuni: Të thuash që nuk ke nivel, është… Unë po tregoj një të vërtetë që ndodh.
