Megjithëse nuk arriti të shpallej fitues, duhet thënë se Krist Aliaj pati një rrugëtim të suksesshëm në “Big Brother VIP”.
Së fundmi ai ka qenë i ftuar në një intervistë për “Wake Up”, për të folur pikërisht për eksperiencën në këtë reality show.
Si fillim Kristi u ndal te banorët që ishin pjesë e programit, ku theksoi se ata ishin pseudo-glam.
“Është eksperiencë shumë ripërsëritëse. Mund ta bëja në një vend tjetër. Por, jo në Shqipëri. Do ndryshoja disa gjëra, do e bëja më ekstreme. Ishte shumë glamour. Glam të vërtetë nuk kishte, gjithë pseudo-glam. Por, më glam ishin vajzat. Nuk më pëlqeu ky ekstremi nga e përditshmja te glam direkt. Më dukej shumë e shëmtuar”, tha ai.
I pyetur se çfarë ndikimi pati në publik, Kristi tha:
“Nuk kam treguar vetëm edukatë. Kam treguar durim, kuriozitet, kreativitet, një pjesë timen artistike. Ato kanë qenë pikë kulminante se kisha qejf të shprehesha.”-tha Kristi.
Sa i përket fitores së Luizit, nëse ishte e merituar ose jo, Kristi u shpreh me plotbindje se këngëtari e meritonte fitoren, duke shtuar se do të kishte dashur t’a luante lojën pak më fort tashmë që po e sheh nga jashtë.
“Po, Luizi e meritonte fitoren. E them si belg arsyen. U përgatit. Kishte kuptuar situatën që krijohej. Kishte nevojë më shumë se të tjerët. Ishte shansi i tij i fundit. Nëse do dështonte këtu do ishte rëndë. I rrezikoi të gjitha. I vuri gjithë kartat në tavolinë. U dorëzuan të gjithë përballë tij. Dhe unë kisha momente, dorëzim në tentativë. Unë shihja se si banorët përuleshin, dinin gjëra, i komunikonin në mënyrë indirekte. Nuk kishte fare respekt, por vetëm interes. Më erdhi gjynah për Luizin. Unë me të isha i vërtetë. Edhe për mua ishte një shans i fundit. Por, u shkëputa nga rutina në Belgjikë. Dhe po marrë një ndjesi që edhe për mua ka qenë shansi i fundit për një jetë madhështore.”
Kristi tregoi dhe një bisedë që ndodhi mes tij dhe Luizit pas daljes nga BBV.
“Luizin e kam takuar në Top Channel. Nuk ishte takim intim. Ka shumë punë. Ai madje më tha “Krist, të kishe fituar ti do kishte qenë më mirë”(qesh). E tha nga angazhimi i madh. Nuk e priste këtë impakt.”
Më tej Kristi tregoi se po synon një projekt afatgjatë në muajt e ardhshëm.
“Unë kam disa projekte verore. Por fokusin e kam në shtator-tetor, dua gjëra afatgjate. Do shtroj disa projekte. Me muzikë nuk do merrem, do vazhdoj televizionin. Më nxjerr një anë të vetvetes që më pëlqen. Atë anën shumë analitik, kritik, ndonjëherë pak të ashpër.”
Kristi tregoi dhe një kritikë që i ka bërë i ati, Roberti:
“Babi më tha se humorin e kam skandaloz dhe duhet të punoj. Që të përshtatesh në kulturën shqiptare duhet të kesh pak humor. Aty e kam shumë problem, por po provoj të përmirësohem. Humori belg është shumë i thatë dhe i zi.”
A ka kimi mes tij dhe Zhaklinës?
“Shikoni ju kimi mes meje dhe Zhaklinës?”, tha Kristi.
Ndërsa për marrëdhënien me Keisin, që u krijua dhe mori fund në BBV, ai tha:
“Ishte moment shumë i brishtë. Njerëzit e kishin fokusin aty dhe e menaxhova mirë. Kisha arsye ta dramatizoja, po të doja.”
