Vetëm disa ditë më parë, Arbana Osmani ndau lajmin e ëmbël për ardhjen në jetë të vajzës së saj, teksa moderatorja zbuloi se e vogla quhet Zoi e se tashmë ëndrra e familjes së saj u bë realitet.
Së fundi, Arbana ka ndarë një video, teksa vë në gjumë vajzën. “Është ora 05 e 10 e mëngjesit dhe më në fund pak paqe”, shkruan Arbana krahas vidoes, duke na treguar dhe pakëz imazhin e saj. Kujtojmë se Arbana është nënë e tre fëmijëve Jonit, Diellit dhe Zoit.
Më 1 shtator, moderatorja shumë e dashur nga publiku, Arbana Osmani u bë nënë për herë të tretë. Ajo solli në jetë një vajzë dhe lajmin e ndau përmes një foto nga spitali, ku shfaqej me të voglën në krahë.
Sakaq, Arbana zbuloi edhe emrin që kishte zgjedhur për ta quajtur vogëlushen, Zoi. Ky emër është tepër i veçantë pasi ka origjinë greke dhe do të thotë ‘Jetë’. Sipas shkrimeve të shenjta, emri Zoi lidhej me Evën, sepse Eva ishte burimi i jetës.
“Bekimi i tretë i jetës sime sot na mbushi plot Jetë; Mirë se vjen Zoi Unë, babai yt dhe vëllezërit e tu që tani po çmendemi pas vajzës që aq shumë kam ëndërruar ”, shkroi moderatorja. Ndërkohë, së fundmi, ajo ka treguar se e kanë vizituar në spital dy persona të veçantë.
“Vëllezërit e mëdhenj erdhën të vizitojnë motrën e vogël”, ka shkruar moderatorja krahas fotografisë ku shihet shumë e lumtur pranë dy djemve të saj.
