Në Itali,bashkë me shumë emisione të tjera ka nisur edhe programi “Tu si que vales” ku njerëz nga e gjithë bota janë të mirëpritur të performojnë talentet e tyre për një vend në finale ku sheh vetëm një fitues.Spektali ka mbledhur në juri disa nga emrat më të njohur të showbizz-it Italian si Maria De Filippi,Garry Scotti,Luciana Littizzetto dhe Rudy Zerbi.Pjesë e kastit është edhe aktorja Italiane e njohur edhe në publikun shqiptar,Sabrina Ferilli që do të drejtojë jurinë popullore, me njëqind ekspertët e saj gati për të votuar.Por,në episondin e parë në skenë ka zbritur edhe modelja Gresa Hoti e cila sëbashku me një personazh të maskuar që ‘ngacmon’ ngahera Sabrina Ferillin i kanë bërë aktores një tjetër lojë.Gresa prezantohet si ‘Sofia’ dhe është Italiane por gjatë bisedës në italisht ajo flet shqip dhe kjo ka sjellë hutim tek Sabrina e cila pyet:”Çfarë tha? Çfarë gjuhe foli?Në çfarë dialekti?”
Maria de Filippi shpërthen në të qeshura dhe mban lojën duke thënë se është italiane.Gresa vazhdon duke thënë Italisht:Jam Italiane,jetoj në Milano dhe pastaj e kthen në shqip:”Dhe mpëlqen shumë me shku n’deti”
Dhe Sabrina thotë:”Ah po flet si milaneze,se unë nuk e kuptoj çfarë thotë kjo zonjë”
Publiku dhe juria shpërthejnë sërisht në të qeshura.
