Ditën e sotme, një tjetër zarf i zi ka mbërritur në shtëpinë e Big Brother VIP Albania, duke shkaktuar tension mes banorëve.
Vendimi i “Vëllait të Madh” për të ndëshkuar banorët që kanë fshehur sende personale, si cigare dhe veshje, ka sjellë një atmosferë të rënduar, me debate të ashpra dhe përplasje verbale.
Megjithatë, një nga momentet më të bujshme ka qenë sjellja e G-Banit ndaj Danjës. Sipas pamjeve të transmetuara, ai e ka përndjekur për disa minuta, duke e bërë situatën të sikletshme për të gjithë banorët.
Kjo ka sjellë reagimin e menjëhershëm të disa prej tyre, përfshirë edhe Gjestin, i cili ka ndërhyrë për të qetësuar gjakrat.
Në kulmin e debatit, G-Bani i ka derdhur një shishe ujë mbi kokën e Gjestit, duke e bërë situatën edhe më të vështirë.
