Olta Gixhari ka ndarë me të gjithë ndjekësit e saj, një ndër problemet që po has me flokët e saj, për shkak të tërheqjes së tyre.
“Shikoni si kam ngelur qeros, nga tërheqja e flokëve. Kush do kujdeset për këtë tullacllëkun tim? Kam ngelur me dy qime flokë. Unë qënkam qerose. Si qerose me flokë të gjata”, dëgjohet Olta të thotë në videon e publikuar në Instastory.
Bashkangjitur kësaj video, aktorja ka shtuar: “Në mirëbesim po e postoj, mos ma përdorni një ditë kundër”.
Olta Gixhari është duke shijuar padiskutim një ndër kulmet e karrierës së saj. Kujtojmë që Olta është protagonitja e filmit “Në Kuadër të Dashurisë”, i cili ka thyer rekord shikueshmërie. Nga ana tjetër, ajo është gjithashtu pjesëtare e jurisë së shoë-t më të ndjekur televiziv, “Dancing with the Stars”.
Kohët e fundit, Olta ka qënë në qendër të diskutimeve për shkak të përfshirjes së saj në debatin me Ronlado Sharkën, ku ky i fundit e akuzoi për bullizëm.
