Ndërkohë që hartimi i bibliografive retrospektive është kryesisht fushë e individëve (theksojmë që kohët e fundit gjithnjë e më tepër kjo po bëhet detyrë e institucioneve – përsëri, si rregull, e bibliotekave kombëtare).
Veç të tjerash, problem kryesor i një bibliografie korrente është të jetë e azhurnuar dhe të sigurojë informacion të shpejtë për të gjithë librat e botuar brenda një periudhe që shtrihet deri në kohën kur ajo botohet; ndërsa detyra kryesore e një bibliografie.
Retrospektive të përgjithshme është të jetë sa më shteruese dhe sa më e saktë që të jetë e mundur brenda rrethanave të dhëna. është e kuptueshme që koha është një faktor me domethënie të ndryshme për njërën dhe tjetrën bibliografi.
Zbrazëtitë në bibliografinë tonë kombëtare kanë qenë njohur me kohë dhe nevoja për plotësimin e saj ka ardhur duke u shtuar. Ndër të parët që hodhi idenë për një bibliografi retrospektive (që në vitin 1916) ishte Mithat Frashëri.
